សាលាដំបូងរាជធានីភ្នំពេញ នៅថ្ងៃទី៣ ខែមិថុនា ឆ្នាំ២០២៤ បេីកសវនាការកាត់ទោសក្មេងទំនេីងមួយក្រុមពីបទប្រេីអំពេីហឹង្សារមានស្ថានទម្ងន់ទោសនិងបំផ្លិចបំផ្លាញទ្រព្យសម្បត្តិអ្នកដទៃ ប្រព្រឹត្តនៅយប់ថ្ងៃទី៣១ ខែធ្នូ ឆ្នាំ២០២២ នៅភូមិចុងព្រែកសង្កាត់ព្រែកឯងខណ្ឌច្បារអំពៅ រាជធានីភ្នំពេញ។
ក្មេងទំនេីងទាំងអស់នេះត្រូវបានគេស្គាល់ថា ជាបងតូចបងធំប្រចាំភូមិនិងជាកូនអនុប្រធានភូមិចុងព្រែក ធ្លាប់ប្រព្រឹត្តអំពេីហិង្សារនៅក្នុងមូលដ្ឋានរហូតក្លាយជាមិត្តភក្តិនគរបាលមូលដ្ឋានទៅហេីយ។ ក្រុមក្មេងទំនេីងទាំងនេះ ដេីរអួតក្អេងក្អាងក្នុងភូមិថាពួកវាមានលុយ មានខ្សែនៅតុលាការគ្មានអ្នកណាហ៊ានធ្វេីអីពួកវាទេ។
អ្វីដែលអស្ចារ្យក្មេងទំនេីងទាំងនេះវ៉ៃគេហេីយគ្មានសមត្ថកិច្ចណាហ៊ានចាប់ចំណែកចៅក្រមទិត្យសុទ្ធីបូរ៉ាឆាតក៏មិនចេញដីកាចាប់ខ្លួនធ្វេីឲ្យជនរងគ្រោះដេកឈឺចាប់រង់ចាំទទួលយុត្តិធម៌ដោយលំបាក។
លោក ទូច សុឃៈ អ្នកនាំពាក្យរងក្រសួងមហាផ្ទៃ បានឲ្យដឹងថា ករណីបង្ក្រាបក្មេងទំនើង គឺជាចំណុចអាទិភាពមួយ ដែលត្រូវដោះស្រាយនៅទូទាំងប្រទេសក្នុងចំណោមទិសដៅអាទិភាពទាំង៦ ដែលដាក់ចេញដោយ ឯកឧត្ដម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផៃ្ទ តាមទស្សនៈ អ្វីៗធ្វើដើម្បីផ្ដល់ភាពកក់ក្ដៅជូនប្រជាពលរដ្ឋ។
ការិយាល័យនគរបាលព្រហ្មទណ្ឌ កម្រិតស្រាល ក៏ដូចជាកម្រិតធ្ងន់បាននិងកំពុង តែធ្វើការជាមួយប្រជាពលរដ្ឋនៅតាមមូលដ្ឋាន ក្រោមការបញ្ជារផ្ទាល់ពី ស្នងការនគរបាលរាជធានីខេត្ត រហូតប៉ុស្តិ៍នគរបាលរដ្ឋបាលទូទាំងប្រទេសបានដាក់វិធានការបង្ការទប់ស្កាត់និងបង្ក្រាបក្រុមក្មេងទំនើងដែលមួយចំនួន ដែលបង្កើតជាក្រុមនៅតាមភូមិ ឃុំ សង្កាត់ និងគ្រឹះស្ថានអប់រំរដ្ឋ ឯកជនមួយចំនួន។ នេះបើតាមការបញ្ជាក់បន្ថែមពី លោក ទូច សុឃៈ។
របាយការណ៍ពីអគ្គស្នងការនរគបាលជាតិ បានឲ្យដឹងថា ៦ ខែដើមឆ្នាំ២០២៤ អគ្គស្នងការនរគបាលជាតិ បង្ក្រាបបាននូវសកម្មភាពក្មេងទំនើង ចំនួន៨០០ករណី ដែលកើន២០០ករណី បើធៀបទៅនឹង៦ខែដូចគ្នា កាលដើមឆ្នាំ២០២៣។ ក្នុងករណីបង្ក្រាបនេអ កម្លាំងបានធ្វើការឃាត់ខ្លួនចំនួន២០០០នាក់ ដោយក្នុងនោះក្មេងទំនើងជាង១៥០០នាក់ ត្រូវបានអប់រំ ធ្វើកិច្ចសន្យា ប្រគល់ជូនអាណាព្យាយបាលវិញ។ ដោយឡែកក្មេងទំនើងជាង ៤០០នាក់ផ្សេងទៀត ត្រូវបានកសាងសំណុំរឿងបញ្ជូនទៅតុលាការ ក្រោយពីពិនិត្យឃើញថាមានពាក់ព័ន្ធនឹងបទល្មើសគ្រឿងញៀន និងព្រហ្មទណ្ឌ៕
អត្ថបទ៖ អក្ខរា
