តូចតែខ្លឹម! ទើបរៀនថ្នាក់មតេ្តយ្យ តែកូនប្រុសពៅសម្តេចធិបតី ទទួលបានមេដាយមាសគណិតវិទ្យាថ្នាក់ទី១ កម្រិតពិភពលោក

Phea ra

កូនប្រុសពៅរបស់សម្តេចធិបតី ហ៊ុន ម៉ាណែត គឺ «ហ៊ុន ពេជមុនី្នរិទ្ធិសិទ្ធិ» ទទួលបានមេដាយមាស ក្នុងការប្រឡងគណិត​វិទ្យានៅអាស៊ី Singapore & Asian Schools Math Olympiad (SASMO) ឆ្នាំ ២០២៤ សម្រាប់សិស្សថ្នាក់ទី១។

សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ្រ ចន្ទមុន្នី បង្ហាញមោទនភាពចំពោះកូនប្រុសពៅ ដែលទើប​តែរៀនថ្នាក់មត្តេយ្យសិក្សា តែហ៊ានទៅប្រឡងគណិតវិទ្យាថ្នាក់ទី១ កម្រិតពិភពលោក ហេីយជាប់លេខ១ទៀត។

សម្តេចធិបតី ហ៊ុន ម៉ាណែត បានសរសេរលើបណ្តាញសង្គមផ្លូវការថា៖ “រិទ្ធិសិទ្ធិ ត្រូវបានអនុញ្ញាតអោយប្រលងវិញ្ញាសា​ថ្នាក់ទី១ (ទោះជានៅរៀនត្រឹមថ្នាក់មត្តេយ្យក៏ដោយ) ដោយសារគាត់ធ្លាប់បានទទួលមេដាយមាស ៤ដង ក្នុងការប្រលងគណិតវិទ្យា ក្នុងកម្មវិធីប្រលងអន្តរជាតិ Caribou Contest ដែលជាកម្មវិធីប្រលងគណិតវិទ្យាថ្នាក់អន្តរជាតិតាមប្រព័ន្ធអនឡាញផងដែរ”។

សម្តេចធិបតី បានបន្ថែមថា៖ “នេះជាថ្នាំប៉ូវកម្លាំងដ៏ពិសេស និងស័ក្តសិទ្ធិសម្រាប់ប៉ា និងម៉ាក់”។

គូសបញ្ជាក់ថា សម្តេចធិបតី ហ៊ុន ម៉ាណែត បានរៀបអាពាហ៍ពិពាហ៍ជាមួយលោកជំទាវបណ្ឌិត ពេជ្រ ចន្ទមុន្នី កាល​ពី​ឆ្នាំ​២០០៦ ដោយលោកទាំងពីរមានកូនស្រីចំនួន ០២នាក់ និងកូនប្រុសម្នាក់ដែលជាកូនពៅ៕

អត្ថបទ៖ អក្ខរា

អត្ថបទទាក់ទង

ក្រសួងប្រៃសណីយ៍ គ្រោងសាងសង់មជ្ឈមណ្ឌលបច្ចេកវិទ្យាសហគមន៍នៅវិទ្យាល័យចំនួន ៥៥៨ទូទាំងប្រទេស

  • Phea ra
  • សីហា ៥, ២០២៣
  • 0

ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងឯកឧត្តម PARK Jung-Wook ឯកអគ្គរដ្ឋទូតនៃសាធារណរដ្ឋកូរ៉េ នារសៀលថ្ងៃទី៤ ខែសីហា ឆ្នាំ២០២៣ បានអញ្ជើញជាអធិបតីក្នុងពិធីសម្ពោធ កម្មវិធីវិញ្ញាបនបត្រវិទ្យាសាស្ត្រទិន្នន័យ (Data Science) របស់អង្គការយូណេស្កូ (University Twinning and Networking-UNITWIN) និងពិធីចុះអនុស្សរណៈយោគយល់រវាងសាកលវិទ្យាល័យ Handong Global សាធារណរដ្ឋកូរ៉េ និងគ្រឹះស្ថានឧត្ដមសិក្សាកម្ពុជាចំនួន៦ […]

បើកបង្ហាញ! ក្រុមក្រិដ្ឋជនរំដោះអ្នកទោសមេក្លោងគ្រឿងញៀន បង្ក្រាបបាន ៧នាក់, មាន៦នាក់ ជាជនជាតិខ្មែរអាមេរិក និងជនជាតិចិនអាមេរិកម្នាក់

  • Phea ra
  • សីហា ១៩, ២០២៣
  • 0

ឯកឧត្តម នាយឧត្តមសេនីយ៍  ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន នៃអគ្គស្នងការនគរបាលជាតិ នៅព្រឹកថ្ងៃទី១៩ ខែសីហានេះ បានធ្វើសន្និសីទសារព័ត៌មានស្ដីពីលទ្ធផលនៃការចុះបង្ក្រាបបទល្មើសរំដោះអ្នកទោសមេក្លោងគ្រឿងញៀន នៅខេត្តសៀមរាប កាលពីថ្ងៃទី១៧ ខែសីហា ឆ្នាំ២០២៣ ។ ឯកឧត្តម នាយឧត្តមសេនីយ៍ ម៉ក់ ជីតូ បានឲ្យដឹងថា កម្លាំងអង្គភាពជំនាញជាច្រើនស្ថាប័ន បានរួមដៃគ្នាយ៉ាងស្អិតរមួតឈានដល់ការចាប់ខ្លួនក្រុមក្រិដ្ឋជនរំដោះអ្នកទោសមេក្លោងគ្រឿងញៀន បង្ក្រាបបាន ០៧នាក់ (ស្រីម្នាក់), ក្នុងនោះ […]

មន្ទីរបរិស្ថានខេត្តកំពង់ធំថា ពិតជាមានការកាប់ទន្ទ្រានយកដីជាច្រើនហិកតា តែមិនស្ថិតនៅក្នុងដែនជម្រកសត្វព្រៃព្រៃឡង់ទេ

  • Phea ra
  • ធ្នូ ៥, ២០២៣
  • 0

មន្ទីរបរិស្ថានខេត្តកំពង់ធំ ចេញសេចក្ដីប្រកាសព័ត៌មានស្តីពីការចុះផ្សាយព័ត៌មានរបស់វិទ្យុអាស៊ីសេរី អំពីសកម្ម​ភាព​ការចុះល្បាតរបស់បណ្ដាញសហគមន៍ព្រៃឡង់ ដែលរកឃើញទីតាំងកាប់រានទន្ទ្រានយកដីព្រៃធ្វើជាកម្មសិទ្ធ នៅក្នុងដែនជម្រកសត្វព្រៃព្រៃឡង់ ភូមិសាស្ត្រខេត្តកំពង់ធំ។ មន្ទីរបរិស្ថានខេត្តកំពង់ធំ បញ្ជាក់ថា នៅថ្ងៃទី០៥ ខែ ធ្នូ ឆ្នាំ២០២៣ វិទ្យុអាស៊ីសេរី(RFA) បានធ្វើការផ្សព្វផ្សាយព័ត៌មាន​អំពីការចុះល្បាតរបស់បណ្តាញសហគមន៍ព្រៃឡង់ រកឃើញមានការលួចកាប់រាន ទន្ទ្រានយកដីព្រៃធ្វើជាកម្មសិទ្ធនៅតំបន់អូរតាលោកជាច្រើនហិកតា ស្ថិតនៅក្នុងតំបន់ការពារដែនជម្រកសត្វព្រៃព្រៃឡង់ ភូមិសាស្ត្រខេត្តកំពង់ធំ។ ពាក់ព័ន្ធនឹងករណីខាងលើនេះ មន្ទីរបរិស្ថានខេត្តកំពង់ធំបាន បញ្ជាក់ថា ក្រោយពីទទួលព័ត៌មានអំពីបទល្មើសការកាប់រានទន្ទ្រានយកដីនៅតំបន់អូរតាលោក ក្នុងតំបន់ការពារ ដែនជម្រកសត្វព្រៃព្រៃឡង់ ភូមិសាស្ត្រខេត្តកំពង់ធំ […]