ខេត្តព្រះសីហនុ  និងស្វាយរៀង នឹងមានរោងចក្រថ្មីតម្លៃជិត ៣៣ លានដុល្លារ នាពេលខាងមុខ

poth rotha

នាពេលខាងមុខនេះ ខេត្តព្រះសីហនុ  និងខេត្តស្វាយរៀង នឹងមានរោងចក្រថ្មី ដែលចាយទុនវិនិយោគដោយក្រុមហ៊ុនចំនួន៧ ក្នុងតម្លៃ៣២.៩លានដុល្លារ ខណៈក្រុមប្រឹក្សាអភិវឌ្ឍន៍កម្ពុជា ទើបតែសម្រេចអនុម័តជាផ្លូវការ។

ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី៣០ ខែវិច្ឆិកា ឆ្នាំ២០២៣ បានឱ្យដឹងថា តាមសំណើសុំវិនិយោគរបស់ក្រុមហ៊ុន ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជី គម្រោងវិនិយោគ ជូនដល់ក្រុមហ៊ុនដូចខាងក្រោម៖

១- ក្រុមហ៊ុន “ Justmarvelous Co., Ltd.” វិនិយោគបង្កើតរោងចក្រផលិតក្រណាត់ ដែលមានទីតាំងវិនិយោគស្ថិត នៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជី ស្ថិតនៅខេត្តព្រះសីហនុ ក្នុងទុនវិនិយោគប្រមាណ ៨,២ លានដុល្លារអាម៉េរិក។

២- “ក្រុមហ៊ុន Vacation Industry Co., Ltd.” វិនិយោគបង្កើតរោងចក្រផលិតកាបូបគ្រប់ប្រភេទ (Waterproof Storage Bag, Backpack Bag, Cooler Bag) ដែលមានទីតាំងវិនិយោគស្ថិតនៅក្នុង តំបន់សេដ្ឋកិច្ចពិសេស មេនហាតធេន ស្វាយរៀង ស្ថិតនៅខេត្តស្វាយរៀង ក្នុងទុនវិនិយោគប្រមាណ ៧,៣ លានដុល្លារអាម៉េរិក។

៣- “ក្រុមហ៊ុន Star United Christmas Decoration Co., Ltd.” វិនិយោគបង្កើតរោងចក្រផលិត ដើមគ្រីស្មាស់ និងសម្ភារៈលំអដើមគ្រីស្មាស់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ស្ថិតនៅខេត្តស្វាយរៀង ក្នុងទុនវិនិយោគ ៦លានដុល្លារអាម៉េរិក។

៤- “ក្រុមហ៊ុន CH Lighting Tree Co., Ltd.” វិនិយោគបង្កើតរោងចក្រផលិតដើមណូអែល អំពូលភ្លើងលម្អដើមណូអែល សម្ភារៈតុបតែងលម្អដើមណូអែល និងវត្ថុអនុស្សាវរីយ៍ ដែលមានទីតាំង វិនិយោគស្ថិតនៅក្នុងតំបន់សេដ្ឋកិច្ចពិសេស ហាយ-ផាក ស្ថិតនៅខេត្តស្វាយរៀង ក្នុងទុនវិនិយោគប្រមាណ ៥,៨លានដុល្លារអាម៉េរិក។

៥- “ក្រុមហ៊ុន Kamelun Wood Co., Ltd.” វិនិយោគបង្កើតរោងចក្រផលិតក្តារប៉ាកេ ក្តារបន្ទះ គ្រឿងតុបតែងពីឈើ និងគ្រឿងសង្ហារិមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ស្ថិតនៅខេត្តព្រះសីហនុ ក្នុងទុនវិនិយោគ ៣លានដុល្លារអាម៉េរិក។

៦- “ក្រុមហ៊ុន Angel Wood (Cambodia) Co., Ltd.” វិនិយោគបង្កើតរោងចក្រផលិតផលិតផលឈើ (ក្តារប៉ាកេ ក្តារបន្ទះ និងក្តារផ្សេងៗ) ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ស្ថិតនៅខេត្តព្រះសីហនុ ក្នុងទុនវិនិយោគប្រមាណ ១,៤លានដុល្លារអាម៉េរិក។

៧- “ក្រុមហ៊ុន Glorious Building Material (Cambodia) Co., Ltd.” វិនិយោគបង្កើតរោងចក្រផលិតស៊ុមទ្វារ ស៊ុមបង្អួច និងជ្រីធ្វើអំពីឈើ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត ស្ថិតនៅខេត្តស្វាយរៀង ក្នុងទុនវិនិយោគប្រមាណ ១,២លានដុល្លារអាម៉េរិក។

គួរបញ្ជាក់ដែរថា តាមរយៈការវិនិយោគរបស់ក្រុមហ៊ុនទាំង៧ នៅក្នុងខេត្តទាំងពីរខាងលើនេះ នឹងអាចបង្កើតឱកាសការងារជូនប្រជាពលរដ្ឋកម្ពុជា ប្រមាណ ៣ ៤៧០ កន្លែង៕

អត្ថបទ៖ រង្សី

អត្ថបទទាក់ទង

គ.ជ.ប អះអាងពីការអនុវត្តស្តង់ដារតែមួយ ចំពោះគ្រប់គណបក្សចូលរួមប្រកួតប្រជែងការបោះឆ្នោត

  • Phea ra
  • ឧសភា ១៤, ២០២៣
  • 0

គណៈកម្មាធិការជាតិរៀបចំការបោះឆ្នោត (គ.ជ.ប) បំភ្លឺជុំវិញការលើកឡើងរបស់អ្នកសម្របសម្រួលផ្នែកអង្កេត និងតស៊ូមតិ នៃអង្គការខុមហ្វ្រែល ដែលធ្វើឱ្យមានការភាន់ច្រឡំ និងមិនឆ្លុះបញ្ចាំងពីស្មារតីការអនុវត្តការងារតាមផ្លូវច្បាប់របស់ គ.ជ.ប ។ ក្នុងសេចក្ដីបំភ្លឺនៅថ្ងៃទី១៤ ខែឧសភា ឆ្នាំ២០២៣នេះ អ្នកនាំពាក្យ គ.ជ.ប បានអះអាងថា​ខ្លួនអនុវត្តស្ដង់ដារតែមួយ តាំងពីការបោះឆ្នោតជ្រើតាំងតំណាងរាស្ត្រ នីតិកាលទី៦ ឆ្នាំ២០១៨ ចំពោះគ្រប់គណបក្សនយោបាយដែលមានបំណងចូលរួមប្រកួតប្រជែងការបោះឆ្នោតដោយឯករាជ្យ សេរី ត្រឹមត្រូវ និងស្មើភាព៕ អត្ថបទ៖ អក្ខរា

សម្តេចធិបតី ហ៊ុន ម៉ាណែត៖ ព្រឹត្តិការណ៍ថ្ងៃ១៨សីហា គឺជាឧទាហរណ៍ជាក់ស្តែងក្នុងការអនុវត្តច្បាប់ ដើម្បីធានាសេចក្តីសុខជូនប្រជាពលរដ្ឋ

  • Phea ra
  • កញ្ញា ៥, ២០២៤
  • 0

សម្តេចធិបតី ហ៊ុន ម៉ាណែត នាយករដ្ឋមន្ត្រីបានថ្លែងថា ព្រឹត្តិការណ៍ថ្ងៃទី១៨សីហា គឺជាឧទាហរណ៍ជាក់ស្តែងក្នុងការអនុវត្តច្បាប់ ដើម្បីធានាសេចក្តីសុខទាំងអស់គ្នា។ សម្តេចបានបញ្ជាក់ថា ការអនុវត្តច្បាប់ត្រឹមត្រូវពីស្ថាប័នពាក់ព័ន្ធ នៅថ្ងៃ១៨សីហា អាចធ្វើឲ្យមានស្ថិរភាពហើយអង្គុយជុំគ្នានៅពេលនេះបាន។ សម្តេចធិបតី នាយករដ្ឋមន្ត្រី បានថ្លែងថា៖ “រាជរដ្ឋាភិបាល គ្មានដំណោះស្រាយណាមួយ ក្រៅពីការអនុវត្ដច្បាប់នោះទេ សម្រាប់ព្រឹត្តិការណ៍ថ្ងៃទី១៨ ខែសីហា ដែលជាការឈានហួសបន្ទាត់ក្រហម ហើយរាជរដ្ឋាភិបាលធ្វើនេះគឺដើម្បីរក្សាសន្ដិសុខ និងសណ្ដាប់ធ្នាប់ជូនប្រជាពលរដ្ឋ និងសង្គមជាតិយើង”។ សម្តេចធិបតី បានថ្លែងបែបនេះ […]

កម្ពុជា-ចិន ប្រាស្រ័យទាក់ទងគ្នាយ៉ាងស្អិតរមួត និងផ្លាស់ប្តូរទស្សនកិច្ចដ៏មមាញឹកគ្រប់ជាន់ថ្នាក់ ក្នុងបណ្តាឆ្នាំថ្មីៗនេះ

  • Phea ra
  • មករា ១២, ២០២៤
  • 0

នាយករដ្ឋមន្ត្រីនៃកម្ពុជា សម្តេចធិបតី ហ៊ុន ម៉ាណែត កត់សម្គាល់ថា ទំនាក់ទំនងកម្ពុជា-ចិន មានការប្រាស្រ័យទាក់ទងគ្នាយ៉ាងស្អិតរមួត និងការផ្លាស់ប្តូរទស្សនកិច្ចដ៏មមាញឹកគ្រប់ជាន់ថ្នាក់ក្នុងបណ្តាឆ្នាំថ្មីៗនេះ ជាពិសេសដំណើរទស្សនកិច្ចផ្លូវការរបស់សម្តេចជាលើកដំបូងក្នុងឋានៈជានាយករដ្ឋមន្ត្រីកម្ពុជា ទៅកាន់ប្រទេសចិន រដ្ឋធានីប៉េកាំង កាលពីថ្ងៃទី១៤-១៧ ខែកញ្ញា ឆ្នាំ២០២៣ កន្លងទៅនេះ។ សម្តេចធិបតីបានជួបសំដែងការគួរសម និងពិភាក្សាការងារជាមួយ ឯកឧត្តម ស៊ី ជីនពីង ប្រធានាធិបតីចិន ហើយជាលទ្ធផល ភាគីទាំងពីរបានប្រកាសបង្ហាញជំហរដូចគ្នាយ៉ាងម៉ឺងម៉ាត់ ក្នុងការបន្តរក្សាចំណងទំនាក់ទំនងដែកថែប និងការពារគ្នាទៅវិញទៅមក។ […]