ប្រធានាធិបតីចិន យាងព្រះមហាក្សត្រកម្ពុជា ក្នុងពិធីបើកកីឡាអាស៊ី លើកទី១៩

Phea ra

នារាត្រីថ្ងៃទី២៣ ខែកញ្ញា ឆ្នាំ២០២៣ ព្រះករុណាជាអម្ចាស់ជីវិតលើត្បូង ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ស្តេចសព្វព្រះរាជហឫទ័យយាងចូលរួមជាព្រះរាជាធិបតីភាពដ៏ខ្ពង់ខ្ពស់ក្នុងការប្រកាសបើកកីឡាអាសុីលើកទី១៩ ដែលប្រារព្ធធ្វើនៅទីក្រុង Hangzhou នៃខេត្ត Zhejiang ប្រទេសចិន តបតាមសេចក្តីក្រាបបង្គំសូមយាងរបស់ ឯកឧត្តម Xi JinPing ប្រធានាធិបតី នៃសាធារណរដ្ឋប្រជាមានិតចិន ។

ព្រឹត្តិការណ៍កីឡាអាស៊ី(Asian Games) លើកទី១៩ ដែលលើកពេលពីឆ្នាំ២០២២ ដោយសារជំងឺរាតត្បាតកូវីដ១៩ កំពុងប្រារព្ធពិធីបើកការប្រកួតផ្លូវការ នៅរាត្រីថ្ងៃទី២៣ ខែកញ្ញា ឆ្នាំ២០២៣ នៅទីក្រុង Hangzhou ប្រទេសចិន ដោយមានប្រតិភូ និងអត្តពលិក ៤៥ប្រទេសចូលរួម ។

ពិធីបើកការប្រកួតនេះ គេឃើញមានវត្តមានប្រតិភូ និងអត្តពលិកកម្ពុជា ក៏បានចូលរួមដង្ហែក្បួន ដើម្បីអបអរសាទរពិធីបើកផ្លូវការ នៃព្រឹត្តិការណ៍កីឡាប្រចាំទ្វីបអាស៊ីនេះដែរ រួមមាននាយបេសកកម្ម ១រូប ដឹកនាំដោយលោក ញាណ សុខវិសាល, នាយបេសកកម្មរង ១រូប, មន្ដ្រីរដ្ឋបាល មន្ដ្រីព័ត៌មាន និងមន្ដ្រីពេទ្យ ២០នាក់, កីឡាករបាល់បោះ ៦នាក់, កីឡាបាល់ទះ ១៥នាក់, កីឡាគុនដាវ ៣នាក់ និងកីឡាយូដូម្នាក់ សរុបទាំងអស់ចំនួន ៤៧នាក់ ។
ដោយឡែកមានអត្តពលិកឆ្នើម ២រូប ត្រូវបានជ្រើសឲ្យកាន់ទង់ជាតិកម្ពុជា នាំមុខក្បួនដង្ហែប្រតិភូកីឡាកម្ពុជា រួមមានកីឡាករ ទេព ឆរ៉ាត ម្ចាស់មេដាយមាសកីឡាបាល់បោះស៊ីហ្គេម ឆ្នាំ២០២៣ និងកីឡាការិនីឆ្នើមផ្នែកកីឡាគុនដាវ គឺកីឡាការិនី ហៃ ស្រីស្រស់ ។

គួរដឹងថា បេសកកម្មខាងលើ ប្រតិភូកីឡាកម្ពុជា ដឹកនាំដោយលោកបណ្ឌិត ថោង ខុន ឧទេសរដ្ឋមន្រ្តី ប្រធានគណកម្មាធិការជាតិអូឡាំពិកកម្ពុជា(NOCC) និងលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា និងជាអគ្គលេខាធិការ NOCC ហើយមន្ដ្រីកីឡាជាន់ខ្ពស់កម្ពុជា ក៏មានវត្តមានក្នុងពិធីបើកនៅកន្លែងភ្ញៀវ VIP ផងដែរ៕

អត្ថបទទាក់ទង

ទឹកទន្លេមេគង្គ ទន្លេសាប និងទន្លេបាសាក់ បាននិងកំពុងស្រក និងឡើងបន្តិចបន្តួច

  • Phea ra
  • កញ្ញា ៦, ២០២៣
  • 0

យោងតាមព្រឹត្តិបត្រព័ត៌មាន និងព្យាករណ៍កម្ពស់ទឹក ម៉ោង៧ព្រឹក ថ្ងៃទី៦ ខែកញ្ញា ឆ្នាំ២០២៣ នៅតាមបណ្តាស្ថានីយជលសាស្រ្ត ឃើញថា គ្រប់ស្ថានីយជលសាស្ត្រទន្លេមេគង្គ ទន្លេសាប និង ទន្លេបាសាក់ ទឹកបាននិងកំពុងស្រកនិងឡើងបន្តិចបន្តួច។ ដោយឡែក យោងតាមសេចក្តីរាយការណ៍របស់មន្ទីរធនធានទឹក និងឧតុនិយម ខេត្តស្ទឹងត្រែង បានបញ្ជាក់ថា កម្ពស់ទឹកនៅទំនប់វារីអគ្គិសនីសេសានក្រោម២ មានកម្ពស់ ៧៥,២៦ម៉ែត្រ ធៀបនឹងនីវូទឹកសមុទ្រដែលបង្ហាញឱ្យឃើញថា ហាក់បីដូចជាខ្ពស់បន្តិចមែន ប៉ុន្តែពុំបានបង្កឱ្យបរិមាណទឹកនៅទន្លេសេសានផ្នែកខាងក្រោមជួបនូវបញ្ហាខុសធម្មតាឡើយ។ គិតមកត្រឹមថ្ងៃទី៥ […]

សម្តេចធិបតី ហ៊ុន ម៉ាណែត៖ The Cambodia Daily ប្រឌិតរឿងមិនពិត ដែលជាអំពើថោកទាបម្ដងហើយម្ដងទៀត

  • Phea ra
  • ឧសភា ២, ២០២៤
  • 0

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី២ ខែឧសភា ឆ្នាំ២០២៤ បានលើកឡើងថា វាជាអំពើថោកទាបម្ដងហើយម្ដងទៀត ដែលវិទ្យុបរទេសនិយាយភាសាខ្មែរ The Cambodia Daily មួយនេះ បានប្រឌិតរឿងមិនពិត ក្នុងគោលបំណងមួលបង្កាច់ វាយប្រហារបំផ្លាញកិត្តិយសនិងសេចក្តីថ្លៃថ្នូររបស់សម្តេច និងគ្រួសារ។ តាមរយៈបណ្តាញសង្គមផ្លូវការនៅថ្ងៃទី២ ខែឧសភានេះ សម្តេចធិបតី ហ៊ុន ម៉ាណែត បានឲ្យដឹងថា៖ “ថ្ងៃនេះ […]

ចិន ចូលខ្លួនមកជួយលើកស្ទួយវិស័យភាពយន្តនៅកម្ពុជា

  • Phea ra
  • តុលា ២៤, ២០២៣
  • 0

ចិន​ដែលជាប្រទេសដែលពូកែផលិតភាពយន្ត​ពោរពេញដោយគុណភាពល្អៗ​បានចូលខ្លួនមកជួយលើកស្ទួយវិស័យភាពយន្តនៅកម្ពុជា។ តាមការឲ្យដឹងក្នុងជំនួបមួយរវាងឯកឧត្តម ស៊ីយ៉ុន សុភារិទ្ធ អគ្គនាយកនៃអគ្គនាយកដ្ឋានបច្ចេកទេសវប្បធម៌ ជាមួយក្រុមហ៊ុន ZHONGTIAN GROUP និងអ្នកវិនិយោគផ្សេងៗទៀត នៅថ្ងៃទី២៣ ខែតុលា ឆ្នាំ២០២៣ នៅទីក្រុងប៉េកាំងនៃសាធារណរដ្ឋប្រជាមានិតចិន គឺក្នុងគោលបំណងលើកស្ទួយវិស័យភាពយន្តនៅកម្ពុជា។ រាជរដ្ឋាភិបាលកម្ពុជា តាមរយៈក្រសួងវប្បធម៌ និងវិចិត្រសិល្បៈ ធ្លាប់សើ្នដល់អ្នកជំនាញរបស់ក្រុមហ៊ុនក្នុងវិស័យភាពយន្តរបស់ចិន​ឱ្យមកថតភាពយន្តនៅប្រទេសកម្ពុជា ដើម្បីចែករំលែកបទពិសោធន៍ និងបណ្ដុះបណ្ដាលជំនាញភាពយន្តជូនដល់អ្នកជំនាញរបស់ខ្មែរ។ រដ្ឋមន្ត្រីក្រសួងវប្បធម៌ លោកជំទាវ ភឿង សកុណា ធ្លាប់បានបញ្ជាក់ថា […]