សម្តេចធិបតី ហ៊ុន ម៉ាណែត ជួបប្រធានក្រុមហ៊ុនធំៗរបស់ចិនជាបន្តបន្ទាប់ ក្រោយពេលទៅដល់រដ្ឋធានីប៉េកាំងទើបតែប៉ុន្មានម៉ោង

Phea ra

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានទទួលជួបក្រុមហ៊ុនធំៗ របស់ចិនជាបន្តបន្ទាប់ ក្រោយពេលទៅដល់រដ្ឋធានីប៉េកាំងទើបតែប៉ុន្មានម៉ោងប៉ុណ្ណោះ។ នេះសបញ្ជាក់ថា សម្តេចធិបតីនាយករដ្ឋមន្ត្រី មិនទុកពេលវេលាចោល ហើយក្តាប់យកឱកាសមាសនេះ ទាញយកផលប្រយោជន៍ពីមិត្តចិន ដែលជាមហាអំណាចសេដ្ឋកិច្ចទី២ ក្នុងពិភពលោក និងជាដៃគូអភិវឌ្ឍន៍ធំជាងគេរបស់កម្ពុជា។

គណៈប្រតិភូរាជរដ្ឋាភិបាលកម្ពុជា ដែលដឹកនាំដោយសម្តេចធិបតី ហ៊ុន ម៉ាណែត បានទៅដល់អាកាសយានដ្ឋានអន្តរជាតិរដ្ឋធានីប៉េកាំង សាធារណរដ្ឋប្រជាមានិតចិន នៅសៀលថ្ងៃទី១៤ ខែកញ្ញា ប្រកបដោយសុវត្ថិភាព និងទទួលស្វាគមន៍ដោយ ឯកឧត្តម ណុង រ៉ុង (Nong Rong) អនុរដ្ឋមន្ត្រីការបរទេស អមដំណើរដោយ លោកជំទាវ ឯកអគ្គរាជទូតកម្ពុជា ប្រចាំប្រទេសចិន
រដ្ឋធានីប៉េកាំង សាធារណរដ្ឋប្រជាមានិតចិន។

អញ្ជើញដល់រដ្ឋធានីប៉េកាំងភ្លាម សម្តេចធិបតី ហ៊ុន ម៉ាណែត បានអញ្ជើញដាក់កម្រងផ្កាគោរពវិញ្ញាណក្ខន្ធនៅស្តូបអនុស្សាវរីយ៍វីរបុរសចិននៅមហាទីលានធានអានមិន។ បន្ទាប់មកសម្តេចបានជួបពិភាក្សាការងារជាមួយ លោក ហាន ស៊ាជុន (Han Xiaojun) ប្រធានក្រុមហ៊ុន SINOMACH Heavy Equipment Group។ រសៀលថ្ងៃដដែល សម្តេចជួបជាមួយ លោក វ៉ាង តុងជូ (Wang Tongzhou) ប្រធានក្រុមហ៊ុន China Road and Bridge Corporation (CRBC)។

នៅពេលល្ងាច, សម្តេចធិបតី នាយករដ្ឋមន្ត្រីកម្ពុជា បានបន្តជួបជាមួយ ឯកឧត្តម វិន ស៊ូកាំង (Wen Shugang) ប្រធានក្រុមប្រឹក្សាភិបាលក្រុមហ៊ុន China Huaneng Group និងលោក លាំង ហ័រ (Liang Hua) ប្រធានក្រុមហ៊ុន Huawei Technology Co., Ltd ក្នុងជំនួបសម្តែងការគួរសម និងពិភាក្សាការងារនៅរដ្ឋធានីប៉េកាំង សាធារណរដ្ឋប្រជាមានិតចិន។

គួរបញ្ជាក់ថា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីព្រឹកថ្ងៃទី១៤ ខែកញ្ញា បានដឹកនាំគណៈប្រតិភូជាន់ខ្ពស់អញ្ជើញទៅបំពេញ ទស្សនកិច្ចផ្លូវការនៅសាធារណរដ្ឋប្រជាមានិតចិន និងចូលពិព័រណ៍ចិន-អាស៊ាន លើកទី២០ ចាប់ពីថ្ងៃទី១៤ ដល់ថ្ងៃទី១៦ ខែកញ្ញា៕

អត្ថបទ៖ អក្ខរា

អត្ថបទទាក់ទង

ថ្ងៃ១៤កុម្ភៈទិវាក្តីស្រឡាញ់! អ្នកឧកញ៉ា ឡេង ណាវ៉ាត្រា និង ភរិយា ព្រមទាំង កូនស្រីច្បងធ្វើសម្លការីនំបុ័ង នំបញ្ចុក ដោយផ្ទាល់ដៃជូនបងប្អូនជាងសំណង់នៅគម្រោង 6A រាប់ពាន់នាក់

  • poth rotha
  • កុម្ភៈ ១៤, ២០២៤
  • 0

ក្នុងថ្ងៃ១៤ កុម្ភៈ ជាពេលវេលាដ៏ល្អទិវាក្តីស្រឡាញ់ ក្នុងទឹកមុខសប្បាយរីករាយនាល្ងាចថ្ងៃពុធនេះ អ្នកឧកញ៉ា ឡេង ណាវ៉ាត្រា ប្រធានក្រុមប្រឹក្សាភិបាលនៃក្រុមហ៊ុន ហ្គាឡាក់ស៊ី គ្រុប បានដឹកដៃភរិយា គឺលោកជំទាវ ឈឺន ស្រីម៉ាច និងកូនស្រីច្បង ចាស្មីន បានរៀបចំធ្វើសម្លការី នំបុ័ង និងបញ្ចុក ជាកាដូជូនដល់បងប្អូនជាងសំណង់ជាច្រើនពាន់នាក់ដែលកំពុងបម្រើការងារនៅការដ្ឋានគម្រោង 6A

សមាគមកាយប្ញទ្ធិនារីកម្ពុជា ប្រកាសបញ្ចូលសមាជិកថ្មីជាង៣០០០នាក់

  • poth rotha
  • មិថុនា ១៩, ២០២៤
  • 0

សមាគមកាយប្ញទ្ធិនារីកម្ពុជា បានរៀបចំពិធីសច្ចាបញ្ចូលសមាជិក សមាជិកាថ្មី លើកទី ៣០ បានប្រកាសបញ្ចូល សមជិកថ្មីជាង៣០០០នាក់ ក្រោមអធិបតីភាព លោកជំទាវបណ្ឌិត ពេជ ចន្ទមុន្នី អគ្គស្នងការសមាគមកាយប្ញទ្ធិនារីកម្ពុជា ដែលប្រព្រឹត្តទៅនាថ្ងៃទី ១៨ ខែមិថុនា ឆ្នាំ ២០២៤ នៅដឹព្រីមៀរសែនសុខ រាជធានីភ្នំពេញ

ឧត្តមសេនីយ៍ត្រី ថន តារា ដឹកនាំនាយទាហានចំណុះអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម រៀបចំពិធីអបអរសាទរការបើកការដ្ឋានសាង់សង «ព្រែកជីកហ្វូណនតេជោ» តាមរយៈការទូងស្គរ និងទះដៃអបអរយ៉ាងក្លៀវក្លា

ឯកឧត្តម ឧត្តមសេនីយ៍ត្រី ថន តារា មេបញ្ជាការរង និងជានាយសេនាធិការនៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម កាលពីថ្ងៃទី៥ សីហា ២០២៤ បានដឹកនាំមេបញ្ជាការង នាយរងសេនាធិការ នាយការិយាល័យ មេបញ្ជាការវរៈសេនាតូច មេបញ្ជាការកងអនុសេនាធំ ព្រមទាំងនាយទាហាន នាយទាហានរង និងពលទាហាន ចំណុះអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម រៀបចំពិធីអបអរសាទរការបើកការដ្ឋានសាង់សង «ព្រែកជីកហ្វូណនតេជោ» ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត […]